Quarta feira 19 de maio alunos e alunas de 1ºBAC do IES Vilar Ponte de Viveiro participaram no ateliê para pôr em valor a nossa língua e indagar a nossa vantagem competitiva à respeito do português. Durante os 100 minutos que dura a atividade, com uma metodologia dinâmica e interativa, conseguiram mesmo preencher os ocos duma música brasileira.

Para continuar a mergulhar no português receberam uma listagem de recursos na internet e dois exemplares dos livros Nós xs inadaptadxs e o Saltério de Fingoi, prenda da Deputación de Lugo para a biblioteca junto com um exemplar do Dicionário Visual presenteado por Através Editora.

O dia 19 de maio estivemos a ministrar dous ateliês OPS! O Português Simples com o apoio da Área de Cultura da Deputación de Lugo.

A seguir a crónica do mesmo nas palavras duma aluna do centro que fez parte dum dos grupos:

O mércores 19 de maio os alumnos e alumnas de 4º ESO tivemos unha charla/obradoiro sobre o portugués básico que se dividiu en tres unidades.  O obradoiro O Português Simples – OPS,  actividade formativa que ofrece Associaçom Galega da Língua AGAL, ten como obxectivo descubrir ao alumnado a vantaxe do galego para aprender portugués e acceder ao mundo que se expresa nesa lingua, a sexta do mundo en falantes.

Na primeira unidade nomeamos os lugares lusófonos e vimos algúns dos monumentos ou paisaxes máis coñecidas ou destacadas de cinco destes lugares.

Na segunda unidade vimos un pouco sobre a escrita e as súas variantes dende o galego ao portugués e fixemos práctica sobre isto.

Na terceira unidade fixemos unhas fichas; nunha delas escribimos algunhas palabras co aprendido na segunda unidade e despois escoitamos unha canción, a cal tiñamos que ir completando nos ocos en branco que aparecían.

Ao saber galego, o obradoiro resultounos bastante fácil e, así, aprendimos un pouquiño máis sobre esta lingua irmá, o portugués, e déronnos unha introdución a aqueles que para o curso que vén colleran a materia de Portugués.

Podes acceder a algunhas fotos aquí.

Celia Leivas Martínez, 4º ESO-A1

Ligação à publicação original: https://perdourando.blogspot.com/2021/05/obradorio-o-portugues-simples.html

Em 12 de maio, Alba Soneira lecionou dois ateliês OPS! O Português Simples no IES Anxel Fole de Lugo no que participaram alunado de português e de 4ºESO. No final da manhã achegou-se a vice-presidenta da Deputación de Lugo, Maite Ferreiro para encerrar a atividade e destacar a nossa vantagem competitiva e a importância da língua mais falada no hemisfêrio sul.

No dia 5 de maio, dia da Língua Portuguesa estivemos a ministrar um OPS! O Português Simples no IES Poeta Diaz Castro para o alunado de português da Professora Maria Miragaia do centro de ensino de Guitiriz.

Este foi mais outro ateliê que contou com o apoio da Área de Cultura da Deputación de Lugo que concedeu para a biblioteca do centro um exemplar de Nós xs inadaptadxs e Cátiverio de Fingoi, para além do Dicionário Visual, prenda da Através Editora.