OPS! no IES Terra do Xallas, de Santa Comba

27 de março passado, tivo lugar um obradoiro de português OPS! no IES Terra do Xallas dirigido ao alunado de ESO do liceu.

As alunas aprenderam que quem sabe mais galego vai ter sempre mais facilidade para chegar ao português e isto é uma ajuda para contrarrestar os preconceitos que infravalorizam a nossa língua.

Para além disto, a docente Carmen Saborido ensinou-lhes onde é que está o português no mundo! :)

OPS! no CPI Návia de Suarna

27 de março passado realizou-se um ateliê OPS! no CPI Návia de Suarna de Lugo, um obradoiro programado e financiado pela Área de Cultura e Deporte da Deputación de Lugo onde aprendemos a ler em português e aprendemos as vantagens que temos os galegofalantes para achegarmo-nos à lusofonia.

Correu muito bem o OPS! ministrado por Kike Martins. Um verdadeiro sucesso no que aprendemos muita coisa de interesse. Mais informações de como foi este obradoiro aqui.

OPS! no IES Luis Seoane, de Pontevedra

Na sexta-feira, 27 de fevereiro, o professor Kike Martins esteve no liceu IES Luís Seoane de Pontevedra para ministrar um ateliê OPS! organizado pela AGAL e o Concelho de Pontevedra. Durante duas horas trabalhou com alunas e alunos dos ciclos de Comércio para ver a utilidade do galego à hora de compreendermos e expresarmo-nos em português.

IES Perdouro de Burela

Durante este luns día 19 e o martes día 20 de novembro tiveron lugar no IES Perdouro seis obradoiros de portugués (OPS! O Português Simples) dirixidos ao alumnado de ESO e Bacharelato.

Esta iniciativa puido levarse a cabo grazas á colaboración da Área de Cultura da Deputación de Lugo e da Associaçom Galega da Língua e tiña como obxectivo mostrarlle ao alumnado do noso Centro a vantaxe competitiva que representa a nosa lingua, o galego, no contexto español e europeo, porque nos permite acceder ao ámbito educativo e laboral dos países que se expresan en portugués (Brasil, Portugal, Angola…) e, polo tanto, ás súas sociedades, producións culturais e mercados laborais.

Porque o noso alumnado, ao rematar a secundaria obrigatoria, descoñece que o portugués, a través do galego, pode formar parte do seu currículo e que, ao coñecelo, se abrirán moitas portas no mercado laboral de países de economía emerxente como é o Brasil. Porque o plurilingüismo vai ter cada vez máis valor como consecuencia da globalización e o portugués, a través do galego, ampliará o seu ámbito formativo e laboral.

OPS! no IES de Vilalonga

Este obradoiro de cen minutos de duración pretende achegarlles ós rapaces as vantaxes que ten o coñecemento do galego para comprendermos facilmente a lingua portuguesa.
Cunha actividade sobre a canción de Adriana Calcanhoto rematou o obradoiro. Pero a canción que houbo que escoitar e cantar, a petición do alumnado, foi a popular “Ai se eu te pego”.

Ops! em Friol no C.E.I.P. Doctor López Suárez

Desde a Área de Cultura da Deputación de Lugo, xunto coa Associaçom Galega da Lingua (AGAL), desenvolveuse un obradoiro co obxectivo de lle mostrar ao noso alumnado a vantaxe competitiva que representa o galego, no contexto español e europeo, porque nos permite acceder ao ámbito educativo e laboral dos países que se expresan en portugués(Brasil, Portugal, Angola…)e, por tanto, ás súas sociedades, producións culturais e mercado laboral. Trátase de promover o achegamento ao mundo lusófono, no convencemento de que é un reforzo para o estatuto da lingua galega e unha porta máis a mellorar a formación dos nosos mozos e mozas.
Noemí Nogueiras, coordinadora de OPs!, estuvo no noso Centro os días 18 de abril e 30 de maio nunha actividade que, estamos seguros, resultou moi proveitosa para o noso alumnado.
Grazas Noemí!

OPS! em Cea

 

A pasada semana estivo no centro Noemí Pinheira poñendo en práctica o OPS! co alumnado do centro. Ela é unha das mestras deste proxecto que está a achegar á escola o idioma máis cercano ao noso. Tanto lingüística como xeograficamente, o portugués é a nosa lingua irmá. E, ao tempo, unha grande descoñecida. Pode supoñer, nestes tempos de crise, unha oportunidade laboral e económica para o futuro? O OPS! axúdalle aos nenos a facerse estas e outras preguntas.
http://www.edu.xunta.es/centros/cpivirxedasaleta/node/89

OPS! em Ferrol

Dentro da programación que a Concellería de Normalización Lingüística do Concello de Ferrol deseñou para conmemorar o Día das Letras Galegas atópanse os obradoiros de portugués simple, unha actividade solicitada por un total de seis centros educativos da cidade con ensinanzas de Secundaria. Onte, a proposta chegou ao IES Ricardo Carballo Calero logo de pasar o martes polo CPR Jesús Maestro e o Saturnino Montojo.
Dous monitores foron os encargados de introducir aos alumnos de 1º de Bacharelato na “sexta lingua máis falada no mundo, oficial en catro continentes e 8 países, entre eles Brasil, unha potencia emerxente”, segundo se informa na propia actividade.
A actividade, desenvolvida baixo o título “Ops, a lingua é a nosa vantaxe”, ten entre os seus obxectivos amosar ao alumnado que o galego “é unha entrada privilexiada para acceder ao mundo en portugués”.
Estes obradoiros forman parte dun programa máis amplo, presentado a semana pasada polo goberno ferrolán e que inclúe diferentes propostas, a meirande parte desenvolvidas en colaboración coa Coordenadora de Equipas de Normalización Lingüística de Ferrolterra.

Diario de Ferrol